Google ADS

Giggs nuk kursen lëvdatat për Greenwood

12:53 | 13 Shtator 2020
Arditë Shkodra

Ryan Giggs ka komentuar talentin e Manchester United, Mason Greenwood.

Greenwood ka qenë sensacional me fanellën e ‘Djajve të kuq’ në fundin e sezonit të kaluar, duke bërë që pritshmëritë për të të jenë maksimale këtë edicion.

Lidhur me lojtarin ka folur edhe ikona e United, Ryan Giggs, duke thënë se pret nga ai të shënojë dy gola për ndeshje.

“Ai është gati duke shënuar më shumë gola sesa kam bërë unë. Nuk mendoj se ai do ta ndjejë presionin e numrit”, ka thënë Giggs, transmeton lajmi.net.

“ Ai është brilant, mendoj se do të shënojë dy gola për ndeshje, është aq kërcënues”, ka shtuar uellsiani.

Greenwood ka bërë shumë mirë me minutat që i ka pasur në dispozicion nga Ole Gunnar Solskjaer, duke fituar edhe zemrat e tifozëve.

Këtë edicion ai luan me fanellën numër 11, të cilën dikur e mbante Ryan Giggs.

Shpërndaje në rrjete sociale

Lajmet më të lexuara

Të ngjashme

Foto lajm